புதன், 30 மார்ச், 2011

கலவை சாதம் (30 மார்ச் 2011)

கிரிக்கெட் சீஸன் அல்லவா? கிரிக்கெட் பற்றியே கொஞ்சம்....

வினவு ப்ளாக்கில் வந்திருந்த சமீபத்திய கட்டுரையின் இந்த வரிகள் எனக்குப் பிடித்திருந்தன...

தேசம் என்பது அங்கு வாழும் மக்களை குறிக்கும். அந்த மக்களது வாழ்க்கை நலனுக்காக செய்யும் நடவடிக்கைகளே தேசபக்தியோடு தொடர்புடையவை. காஷ்மீரில் அப்பாவி மக்கள் கொல்லப்படுவது, குஜராத்தில் முசுலீம் மக்கள் வேட்டையாடப்பட்டது, தமிழக மீனவர்கள் கடலில் கொல்லப்படுவது, விவசாயிகள் தற்கொலை இதற்கெல்லாம் ஏதாவது சிறு துரும்பையாவது செய்தீர்களென்றால் அது தேசபக்தி எனலாம். அப்படி எதுவும் செய்யாமல் டி.வியை பார்த்து ஐந்தாம் ஜார்ஜ் மன்னனை வாழ்த்தி எழுதப்பட்ட ஜனகனமனவை எழுந்து நின்று பாடி, பின்னர் உருளை சிப்சை விழுங்கி, பெப்சியை அருந்திக் கொண்டு டெண்டுல்கர் பாடில் ஸ்வீப் அடிப்பதை சிலாகித்தால் அது தேசபக்தியா? இல்லை இதுதான் தேசத்துரோகம்.

இந்தியா பாக் இரண்டு நாடுகளின் மேட்டுக்குடி சூதாடிகள் மொகலியில் நடைபெற இருக்கும் ஆட்டத்தை வைத்து பத்தாயிரம் கோடிக்கு சூதாடப் போவதாக செய்திகள் கூறுகின்றன. ஆனால் அப்பாவி இரசிகர்களோ தமது நாடு வெல்லப் போவதை எண்ணி காத்திருக்கிறார்கள். விளையாட்டை விளையாட்டாக பார்க்காமல் இப்படி ஒரு போலி தேசபக்தி சண்டைக்கு என்ன அவசியம் இருக்கிறது?

---------------------------

எனக்கு வந்த ஒரு எஸ்.எம்.எஸ்.
உலகக் கோப்பை கிரிக்கெட்டில் செமி ஃபைனல்ஸ் வந்த டீம்கள்..
குரூப் ஏ - யில் இருந்து பாகிஸ்தான், நியூசிலாந்து, இலங்கை...
குரூப் பி - யில் இருந்து இந்தியா (மட்டும்).
கண்ணா... பன்னிங்க தான் கூட்டமா வரும்... சிங்கம் சிங்கிளா தான் வரும்...

---------------------------

சரசரவென இன்னோரு ஒரு வதந்தி பரவிக்கொண்டிருந்தது இன்று மதியம்... இன்று இந்தியா பாகிஸ்தான் டீம்கள் செமி ஃபைனலில் சந்திப்பதால் அந்த மேட்சை பார்க்க இன்று எல்லா கம்பெனிகளும் குறிப்பாக ஐ.டி கம்பெனிகளுக்கு இன்று மதியம் அரை நாள் விடுமுறை என்று ஒரே பரபரப்பு. எனக்கும் கூட மெயில்களும், எஸ்.எம்.எஸ்களும் வந்தன.. காலையில் எழுந்திருக்கும் போதே பக்கத்தாத்து மாமாவும், எதுத்தாத்து மாமாவும் பேசிண்டிருந்தா... எனக்கு ஒரே காமெடியாக இருந்தது.. வந்து லேப்டாப்பை ஆன்செய்தால் எனக்கும் ஒரு மெயில் வித் அட்டாச்மெண்ட்.. அட்டாச்மெண்ட்டை ஓப்பன் செய்தால் தான் காமெடியே.... நீங்களே பாருங்களேன்...



----------------------------------------

ஆச்சா... படிச்சாச்சா... அப்புறம் என்ன? வழக்கம் போல இன்ட்லியிலும், தமிழ்மணத்திலும் ஓட்டு தான்... கொஞ்சம் போட்டுடுங்களேன்... என்ன? முடிஞ்சா நண்பர்களுக்கும் அறிமுகப்படுத்துங்க....

ஞாயிறு, 20 மார்ச், 2011

கலவை சாதம் - ஐ யாம் பேக்

ஐ யாம் பேக்

வந்துட்டேன்.. வந்துட்டேன்.. வந்துட்டேன்..

என்ன வந்துட்டேன்..? என்ன பொல்லாத "ஐ யாம் பேக்" ரெண்டு பதிவு போடுவே..? அப்புறம் (என்ன ஃபிலாஸபி பிரபாகரன்? இந்த வார்த்தை தானே?) மறுபடி காணாம போயிடுவ, இதுக்கு என்ன ஐ யாம் பேக் - னு ஒரு தேவையில்லாத பில்ட் அப்... அப்டிதான நினைக்கிறீங்க? சரி, சரி விடுங்க.. நெக்ஸ்ட்டு... அது என்னமோ உண்மை தான், மறுபடி இந்த வாரம் ஆபீஸ் வேலையா கோவா போறோம் (போட்ட திட்டங்கள் கை கூடும் நாள் வந்தது... கோவா.. கோவா.... நல்ல வெள்ளக்கார பிகரா பாத்து செட்டிலாய்ட வேண்டியது தான்) கோவா போறோமே...... போய்ட்டு வந்து எல்லாத்தையும் சொல்றேன் என்ன?

என்ன பெருசா... வழக்கம் போல இயர்லி ரிவ்யூ மீட்டிங், டவுசர கிழிக்கப்பாறாங்க... இதுல என்ன பெருமை... அவனா நீ பதிவை படிக்கும் போதே உன் லட்சணம் எங்களுக்கு தெரிஞ்சு போச்சு, நீ போய் இந்த ரிவ்யூல என்னத்தை கிழிக்கப்போற அப்டிங்கறீங்களா? சரி, சரி, விடுங்க... நாம அடி வாங்கறது ஜகஜம் தானே... சரி, இப்போதைக்கு ஒரு கோட்டு வேணும் எனக்கு. யாராவது எல்ப் பண்றீங்களா? இந்த கோட்டு கம்பல்ஸரின்னு சொல்லியிருக்காங்க, ஆனா என்னாண்ட கோட்டு இல்ல, கல்யாணத்தப்ப தெச்சுக்கலாம்னு விட்டுட்டேன், (அப்டி ஒன்னு நடந்தா ஒலகம் அழிஞ்சுரும்) இப்ப என்ன பண்றதுன்னு தெரியல? சந்தோஷ்கிட்ட கேட்டிருக்கேன். பாக்கலாம்..

வேற யாராவது கலக்கப் போவது யாரு? அசத்தப்போவது யாரு? அசத்தல் மன்னர்கள் யாராவது கோட்டு வாடகைக்குத் தர்றீங்களா? ரெண்டு நாள்தாம்பா... திருப்பி பத்திரமா தந்துடறேன்... அப்புறம் அப்படியே அதை ஃப்ளைட்ல எப்டி மடிக்காம எடுத்துட்டுப்போறதுன்னு யாராவது சொல்லுங்களேன்... சென்னை டு பெங்களூரு, பெங்களூரு டு கோவா. ஊஊஊஊஊஊஊஊஊஊஊஊ ஊஊஊஊஊஊஊஊஊஊஊஊ

----------------------------------------

"டங் ட்விஸ்டர்" கேள்விப்பட்டிருக்கிறீர்களா? தமிழாக்கம் தெரியவில்லை... பொதுவாக எல்லாருக்கும் தெரிந்த ஒன்று இது... "இது யாரு தைச்ச சட்டை எங்க தாத்தா தைச்ச சட்டை". என் பங்குக்கு புதிதாக சாம்பிளுக்கு ஒன்று கீழே.. சொல்லிப்பாருங்கள்.. இதுபோல் சிலவற்றை மனப்பாடம் செய்து அரை டிக்கெட்டுகளிடம் சொல்லிக்காண்பித்தால் நமக்கு ஹீரோ இமேஜ் கொடுப்பார்கள்.

கும்பகோணம் குட்டையாம் பாளையத்தில் குடியிருக்கும் குமரேசனின் குமரன் குமரப்பன், குளத்தில் குளிக்கும் போது குளிக்க வந்த குரங்குக் குட்டியை குச்சியால் குத்தினான். குரங்குக் குட்டி குதித்துக் கூப்பாடு போட்டது.

எப்படி?

----------------------------------------

நேற்று பெங்களூரு டு சேலம் பஸ்ஸில் வரும் போது ஜீவா-வின் டிஷ்யூம் படம் பார்க்க நேர்ந்தது. நைஸ் இல்ல... (விறு விறுவென வளரும்பழம் எந்தன் விரதங்களை வெல்லுதே - ராகுல் நம்பியார்) கூடவே ஈ படமும் சேர்த்து நினைவுக்கு வந்தது.. நல்ல அருமையான, கேஷூவலான நடிப்பு. ஆனால் கொஞ்ச நாளாக ஏன் இப்படி மசாலா பக்கம் (அதுவும் ஒன்றும் உருப்படியாக ஓடுவதாக இல்லை) போய்விட்டார் என்று தெரியவில்லை.. மீண்டும் சில நல்ல படங்கள் (கமர்ஷியலாகவும்) செய்யுமாறு அன்புடன் ஜீவாவை கேட்டுக்கொள்கிறேன்..

----------------------------------------

கடந்த ஜனவரி மாதம் நடந்த சென்னை புத்தகக் கண்காட்சியில் நான் எடுத்த படங்களை (ராமலக்ஷ்மி அளவுக்கு இல்லாவிட்டாலும்) ஃபேஸ்புக்கில் அப்லோட் செய்துள்ளேன். விருப்பம் உள்ளவர்கள் விஸிட் செய்து பார்க்கலாம் இங்கே...

சிவகுமார் புத்தக வெளியீட்டு விழா, தலைவர் சுஜாதா ஸ்டில்ஸ், மதி கார்ட்டூன் புத்தகங்கள், மனுஷ்ய புத்திரன், பார்த்திபன், நற்றினை (ஸ்பெல்லிங்கைப்பாருங்கள், நற்றிணை இல்லீங்க நற்றினை - போய்ப்பாருங்க தெரியும்), ஜோ மல்லூரி ஸ்டால் இன்னபிற... நான் எடுத்த போட்டோக்கள் ஆதலால் எதிலும் நான் இருக்க மாட்டேன்... டிங் டிங் டிடிங்..

----------------------------------------

வலைச்சரத்தில் (வாரம் ஒரு ஆசிரியர்) தங்களது வாரம் வந்த போது என் பதிவுகளை அறிமுகப்படுத்திய ரஹீம் கஸாலி, மற்றும் ஃபிலாஸபி பிரபாகரன், மற்றும் எஸ்.கே ஆகியோருக்கு நன்றிகள்..

ரஹீம் கஸாலி-யின் பக்கம் இது..

ஃபிலாஸபி பிரபாகரன்-யின் பக்கம் இது..

எஸ்.கே-யின் பக்கம் இது..

----------------------------------------

அப்புறம், ஒரு கோக் சாப்பிடுறீங்களா? ப்ர்ர்ர்ர்ர்ர்ர்ர்




----------------------------------------


ஆச்சா... படிச்சாச்சா... அப்புறம் என்ன? வழக்கம் போல இன்ட்லியிலும், தமிழ்மணத்திலும் ஓட்டு தான்... கொஞ்சம் போட்டுடுங்களேன்... என்ன? முடிஞ்சா நண்பர்களுக்கும் அறிமுகப்படுத்துங்க....

-----------------------------------------