இப்படியும் / எப்படியும் ஏமாத்தலாம்.

வெஜிடேரியன் எக் பிரியாணியாம். எப்டிடா?ன்னா கோழிக்கு சைவ டயட் குடுத்து முட்டை போட வச்சானுகளாம். தைரியமா விளம்பரம் தரானுக. அது 599 ஓவா. அதையும் நூறு பேர் வாங்குறான். 

அரை கிலோ மீட்டர் தள்ளி இருக்குற கடையில் 70 ரூபாய்க்கு விக்கிற மாம்பழத்தை "ஆர்கானிக்" னு ஒரு வார்த்தையை சேர்த்து இங்கிட்டு ஒர்த்தன் 100 ரூபாய்க்கு விக்கிறான். அதையும் வரிசைல நின்னு வாங்குறானுக. 

ஆன்லைன் க்ளாஸ் அதிகமானதால - குழந்தைகள் கண்கள் கெடாமல் இருக்க இந்த கண்ணாடி வாங்கிப்போடுங்க - ன்னு 499 ஓவாவுக்கு விக்கிறானுங்க. ஒரு டாக்டர்கிட்ட கேட்டா அது டுபாக்கூர்-ன்றார். அதையும் நூறு பேர் வாங்குறானுக. 

காலையில் வடக்கு பக்கம் நின்னா லட்சுமி என்ன பண்ணும், தெக்கு பக்கமா நின்னா காசு வரும், காசு நிறையா கொட்டணும்னா தலைகீழா நிக்கணும்னு வீடியோ போட்டா அதை மூணு இலட்சம் பார்த்து 30,000 பேர் லைக் போட்றான். நாளைக்கு எப்படி நிக்கணும் குருஜின்னு கேள்வி வேற.

வீட்டிலேயே பிரசவம் பாப்பது எப்படி? ன்னு ஒரு நாள் (ஆமாங்க ஒரே நாள் வொர்க்ஷாப்) க்ளாஸ் எடுக்குறேன்னு ஒர்த்தன் அனவுன்ஸ் பண்ணா அன்னிக்கே ஃபுல் சீட்டும் புக் ஆகுது. 

கொரோனவுக்கு வெளிய வராதன்னா கேக்க மாட்டேன்னு கறிவாங்க வரானுக. ஆனா கிரகணத்தப்போ வெளிய வந்தா எதோ தோஷம்னு சொன்னா மூடிட்டு வீட்ல இருக்கானுக. ரோடு வெறிச்சோடுது. 

திடீர் திடீர்னு புது ஹேண்ட் சானிடைசர் ப்ராண்ட் 250 ரூபாய்க்கு முளைக்குது. கப சுர குடிநீர் 150 ரூபாய்ன்னு பாட்டில் போட்டு விக்குறானுக. அரசாங்கத்துகிட்ட பர்மிஷன் வாங்காம சாதா துணியில டிசைன் டிசைனா மாஸ்க்குன்ற பேருல (அதனுடைய மைக்ரான் அளவு கொரோனாவைத் தடுக்காது) எதையோ தயாரிச்சு விக்குறானுக. 

கைதட்டுனா காந்த ஒலி வரும்றானுக. ரூவா நோட்ல மைக்ரோ சிப் இருக்குன்னா கோடிப் பேர் நம்புறான். (ஆனா இதுக்கு கிரெடிட் பி.ஜே.பிக்கு). ஊருக்குள்ள எதைச் சொன்னாலும் நூறு பேர் நம்புறான். காசைக் கொணாந்து கொட்றான். 

ஆனா அறிவுப் பூர்வமா எதையாவது எடுத்துச் சொன்னா கேக்க மாட்டேன்றானுக. தப்பைத் திருத்திக்கச் சொன்னா சண்டைக்கு வரானுக. ஒவ்வொரு விஷயத்துலயும் காண்டாயிட்ருக்கேன். 

இப்டியே போச்சுன்னா ஒரு நாள் என்னையும் ஏதோ ஒரு சாமியாராகவோ, சாமியாகவோ, - ஏமாறுபவர்களுக்கு ஒரு வாய்ப்புத் தரும் வேற ஏதாகவோ - பார்த்தீர்களானால் ஆச்சரியப் படாதீர்கள். You tube வீடியோ போட்டால் சப்ஸ் செய்து பெல் லை அமுக்கி பாத்து உய்யவும். 

இங்கே ஏமாறுபவர்களுக்குப் பஞ்சமில்லை. These guys are forcing me into the situation. 

BTW, அந்த மொட்டை என்து தான். 

29 ஜூன் 2020 அன்று ஃபேஸ்புக்கில் எழுதியது. 

குட்டி ஆர்ட் ஒர்க்

28 ஜூன் 2020 அன்று ஃபேஸ்புக்கில் எழுதியது. 

தங்கச்சி பசங்க ரெண்டும் வந்திருந்ததுங்க. நம்முது ரெண்டுன்னு - நாலு பேரா சேர்ந்ததால டி.வி, கலரிங், ஒளிஞ்சு விளையாட்டு, சைக்கிள், குட்டிக்கார், தீனி, சினிமா (அலா வைகுந்தபுரம்லோ, மினியன்ஸ், ஓ மை கடவுளே), சண்டை, போராட்டம் னு ஓடிக்கிட்டிருந்தாங்க.

நமக்குத்தான் "வொர்க் ஃப்ரம் ஹோம்" ல சனி, ஞாயிறு ஏது? நேத்து ரெண்டு பேரண்ட்ஸ் மீட்டிங், இன்னிக்கு ரெண்டுன்னு நாலு, நாலு மணி நேரம் அவுட்டு. தலைவலி போனஸ். மாத்திரை போட்டதுல எக்ஸ்ட்ரா ரெண்டு மணி நேரம் தூங்கி அந்த நேரமும் காலி.

தங்கச்சி பொண்ணுக்கு படம் வரையறதுன்னா ரொம்ப இஷ்டம். சின்னச்சின்னதா நிறைய வரைவா. பார்த்து வரையறது மட்டுமில்லாம கற்பனை பண்ணி வேற நிறைய வரையுறா. நம்ம சின்ன வயசு ஆசையையெல்லாம் அவ மூலமா தீர்த்துக்க வேண்டியதுதான்னு முடிவு பண்ணி அவளுக்கு அப்பப்போ நமக்குத் தெரிஞ்சதை சொல்லிக் கொடுத்துட்டிருக்கேன். கொஞ்சம் பெரிசானா அடுத்த லெவல் ஓவியங்களை அறிமுகப்படுத்தணும். நமக்கும் தூண்டி விட துணைக்கு ஆளாச்சு.

இன்னிக்கு அவளுக்காக Puppet ஸ்டைல்ல ஒரு குட்டி Craft work செய்யலாம்னு எடுத்து இதை செஞ்சேன். பூ சாய்ஸ் அவளுது. வொர்க் நம்மள்து. முந்தா நேத்து அம்மணி ஏதோ வெஜ் பனீர் டிக்கா முயற்சி பண்ணனும்னு நீளமான (டூத் பிக்) ஸ்டிக் வாங்கி வரச் சொன்னாங்க. அதுல ஒன்னை எடுத்தாந்து, அது மேல வெள்ளைப் பேப்பரை ஃபெவிகால் ஒட்டி மடிச்சு, லேசா காய்ஞ்ததும், அவுட்லைன் வரைஞ்சு கட் பண்ணி, மேல கலர் அடிச்சது.

இதே மாதிரி ஸ்டைல்ல குட்டிக்குட்டியா ஆர்ட் ஒர்க் நிறைய பண்ணலாம். நேரம் - 5 நிமிடங்கள் மட்டுமே.