வெள்ளி, 12 நவம்பர், 2021

சூரரைப் போற்று - விட்டுப்போன ஹெலிகாப்டர் சர்வீஸ்

மு.கு - ஸ்பாய்லர் இருக்கலாம்.

படத்தில் வரும் பெரும்பாலான சம்பவங்கள் கேப்டன் கோபிநாத் வாழ்க்கையில் நடந்தவையே. விமான விபத்து, மல்லையா பேரம் பேசுதல் உட்பட. திரைப்படத்தின் வடிவத்திற்காக சில புது கதாபாத்திரங்கள் சேர்க்கப்பட்டுள்ளன, மிலிட்டரி கதை, விவசாயி கதைகள் தேவைக்கேற்ப சுருக்கப்பட்டுள்ளன. ஹெலிகாப்டர் நிறுவனம் கதையில் வரவே இல்லை.
நிஜத்தில் மல்லையா பேரம் பேசுவது ஏர் டெக்கான் வெற்றி பெற்ற பிறகு. படத்தில் முன்பே பேசுவது போல காட்டப் படுகிறது. அதே போல் நிஜத்தில் மல்லையா பேரம் பேசி கம்பெனியை வாங்கியே விடுவார். இப்போது அதன் பெயர் "சிம்ப்ளிஃபை டெக்கான்" கிங்ஃபிஷர் பறவையின் லோகோவுடன்.
க்ளைமாக்ஸில் பெயர் போடும்போது காட்டப்படும் - ஃபிளைட்டில் பறக்கும் எளியோர்களின் சென்டிமெண்ட் கதைகள் ஏர் டெக்கானுக்கு மட்டும் நடந்தவை அல்ல. ஏர் டெக்கானுக்கும் முன்பே, கேப்டன் கோபிநாத் துவங்கிய "டெக்கான் ஏவியேஷன்" எனும் ஹெலிகாப்டர் சர்வீஸில் நடந்த உண்மைக் கதைகள்.
உண்மையில் சொல்லப்போனால் அதுதான் "ஏர் டெக்கான்" எனும் குறைந்த விலை ஏர் சர்வீஸை ஆரம்பிக்க கோபிநாத்துக்கு உந்துதலாக இருந்தது.

12 நவம்பர் 2020 அன்று ஃபேஸ்புக்கில் எழுதியது

கருத்துகள் இல்லை:

கருத்துரையிடுக